BASA RINENGGA ( BASA JAWA KLS V SEMESTER 2)

 

BASA RINENGGA

 

Basa Rinengga yaiku basa endah / basa sastra kang endah (dipaesi/direngga-rengga)

Ana 4 jinise Basa Rinengga :

1.      Panyandra

Tembung/ukara kanggo ngalembana ( perangan awak,solah bawa utawa kahanan kanthi pepindhan becik,apik)

 

Tuladha :

-          Alise nanggal sepisan

-          Bangkekane nawon kemit

-          Pipine nduren sajuring

-          Rambute ngembang bakung

 

Katrangan : tetembungan ing dhuwur gambarake perangan awak kanthi becik

 

2.      Panyendu

Tembung/ukara kanggo nacad ( perangan awak, solah bawa, kahanan kanthi rasa kurang becik/ala)

 

Tuladha :

-          Tangane cekot

-          Lambene guwing

-          Matane kero

-          Gandane arum jamban

-          Bathuke nonong

-           

3.      Pepindhan

Tetembngan/ukara kanggo madhakake barang kanthi teges kaya/padha

 

Tuladha :

-          Lakune kaya macan luwe

-          Tandhange kaya banteng ketaton

-          Enthenge kaya kapuk

 

4.      Parikan (Pantun)

Tetembungan/ukara kang kadadean saka sampiran lan isi.

 

Tuladha :

-          Santen toya klapa, cekap semanten atur kula

-          Cipir mrambat kawat, ora mampir pokok liwat

 

 

 

 

 LATIHAN SOAL !

Temtokna sing kalebu Panyandra, Panyendu, Pepindhan lan Parikan!

1.      Godhong waru bolong – bolong , bocah ayu moblong –moblong

2.      Polahe kaya sikatan nyamber walang

3.      Irunge pesek

4.      Lembehane mblarak sempal

5.      Gulune ngelung gadung

6.      Tuku buku nang Pasar Geger, yen sregep sinau mesti pinter

7.      Tekade kaya geni lan urupe

8.      Pundake nraju emas

9.      Drijine bujel

10.  Ayune kaya Dewi Ratih